pakistan, türkiye we seudi erebistan mudapie hemkarliqlirini kücheytishke tirishmaqta
pakistan, türkiye we seudi erebistan yéngi mudapie téxnologiyelirini tereqqiy qildurush üchün yéqin hemkarliq munasiwetlirini ornitishni ümid qilmaqta.
türkiye awazi radiyosi xewiri: pakistanning rawalpindi shehiride, pakistan, türkiye we seudi erebistan armiyesining wekilliri mudapie sanaitide özara hemkarliqlarni kücheytish toghrisida yighin ötküzüp, pikir birliki hasil qildi.
pakistan armiyesining axbarat merkizi bayanat élan qilip, üch dölet herbiy wekillirining rawalpindi shehiride körüshkenlikini bildürdi.
bayanatta qeyt qilinishiche, üch terep mudapie hemkarliqi yighinining ikkinchi künide, mudapie téxnologiyelirini tereqqiy qildurushta hemkarlishish mumkinchilikliri muzakire qilinghan.
yighinda, wekiller «yéngi téxnika, maliye we ixtisasliq xadimlarni bir yerge yighish» ning ehmiyitini, «ortaq nishangha yétish» hemde «mudapie saheside musteqil» bolush üchün zörür ikenlikini tekitligen.
üch döletning 3-qétimliq yighini aldimizdiki ay (2024-yili féwral) seudi erebistan paytexti riyadta ötküzülidighan dunya mudapie sanaiti yermenkisige toghrilanghan halda échilidu. tunji qétimliq yighin awghust (2023) ta riyadta ötküzülgen idi.
