blinkén-nétanyahu körüshüshi «jiddiy keypiyat» ichide ötken
isirailiye bash ministiri nétanyahu bilen amérika tashqi ishlar ministiri antoni blinkénning uchrishishining «jiddiy keypiyat» ichide ötkenliki we ikki döletning «urush mesilisidiki pikir ixtilaplirining chongqurlashqanliqi» bildürüldi.
türkiye awazi radiyosi xewiri: isirailiye «12-qanal» téléwiziyesi nétanyahu bilen amérika tashqi ishlar ministiri blinkénning uchrishishining «jiddiy keypiyat» ichide ötkenlikini xewer qildi.
xewerde, isirailiye bash ministirliq mehkimisi hazirghiche kütülüwatqan yazma bayanatni élan qilmighanliqini we bu ehwalning ikki terep otturisidiki ixtilaplardin bésharet béridighanliqi qeyt qilindi.
amérika we isirailiye otturisida «urush mesilisidiki pikir ixtilaplirining chongqurlashqanliqi» eskertilgen xewerde, «washingtonning sewri tashmaqta» déyildi.
blinkén türkiye we girétsiye ziyaritidin kéyin, tertipi boyiche iyordaniye, qatar, ereb birleshme xelipiliki we seudi erebistanni ziyaret qilghan idi. u düshenbe (8-yanwar) küni isirailiye pirézidénti hérzog, bash ministir nétanyahu, tashqi ishlar ministiri israil katz we urush kabénti ezaliri bilen körüshken idi.
u yene, ziyariti ramkisida isirailiye dölet mudapie ministiri gallant, urush kabénti ezasi bénniy gantz we öktichi partiye rehbiri yair lapid bilenmu körüshti.
ghezze urushi bashlanghan 7-öktebir (2023) din buyan beshinchi qétim ottura sherq ziyaritini emelge ashurghan blinkénn tél awiwdin kéyin, iyordan deryasining gherbiy qirghqidiki mesullar bilen körüshidu we arqidin misirni ziyaret qilidu.
