firansiye ezerbeyjan bash elchisi leyla abdullayéwani ministirliqqa chaqirtti

türkiye awazi radiyosi xewiri: firansiye tashqi ishlar ministirliqi yazma bayanat élan qilip, parizh hökümitining ezerbeyjanning bakudiki elchixanisining ikki xadimini «qarshi élinmaydighan kishi» dep élan qilish qararini xatirilep qoyghanliqini bildürdi.

bayanatta, firansiyening ezerbeyjanning bu qararni aqlash üchün otturigha qoyghan eyibleshlirini qetiy ret qilidighanliqi otturigha qoyuldi.

bayanatta, özara oxshash usulda inkas qayturush pirinsipi dairiside, firansiyening ezerbeyjanning parizhdiki elchixanisida ishlewatqan ikki ademni «qarshi élinmaydighan kishi» dep jakarlighanliqi we bash elchi abdullayéwaning ministirliqqa chaqirilip, bu qarardin waqiplandurulghanliqi tekitlendi.

ezerbeyjan tashqi ishlar ministirliqi tünügün (27-dékabir) bayanat élan qilip, firansiyening bakuda turushluq bash elchisi en buayonning ministirliqqa chaqirtilghanliqini uqturghanidi.

bayanatta, bash elchi buayongha 1961-yili  élan qilinghan diplomatik munasiwetler ehdinamisige xilap paaliyetler bilen shughullanghanliqi üchün, ikki xizmetchisining «qarshi élinmaydighan kishi» dep élan qilinghanliqining uqturulghanliqi, mezkur ikki diplomatning 48 saet ichide ezerbeyjan chégrasidin chiqip kétishining telep qilinghanliqi we naraziliq ultimatomi tapshurulghanliqi bildürülgenidi.