amérika erdoghan bilen baydinning téléfon söhbiti heqqide bayanat élan qildi
aq saray türkiye jumhuriyiti jumhur reisi rejep tayyip erdoghan bilen amérika qoshma ishtatliri pirézidénti jo baydinning téléfon söhbiti heqqide yazma bayanat élan qildi.
türkiye awazi radiyosi xewiri: aq saray teripidin jumhur reis rejep tayyip erdoghan bilen amérika qoshma ishtatliri pirézidénti jo baydinning téléfon söhbiti heqqide élan qilinghan yazma bayanatta, ikki rehberning israiliye hujumlirini dawamlashturuwatqan ghezze rayonining weziyiti, rayongha yetküzüp bériliwatqan insanperwerlik yardem buyumlirini köpeytish we ghezze rayondiki puqralarni qoghdashning muhimliqi mesiliside ortaq tonush hasil qilghanliqi, baydinning israiliyeni dawamliq qollaydighanliqini tekrarlighanliqi eskertildi.
téléfon söhbitide, shimaliy atlantik ehdi teshkilatining küchlük bolushining nahayiti muhimliqining tekitlengenliki, baydinning shiwétsiyening qisqa waqit ichide natogha eza bolushini ümid qilidighanliqini otturigha qoyghanliqi qeyt qilinip mundaq déyildi:
«pirézidént baydin türkiye bilen girétsiyening yéqinqi mezgilde tashlawatqan ijabiy qedemlirini qollaydighanliqini bildürdi.»
