сулливан нетайаһу вә галлант билән айрим-айрим көрүшти

түркийә авази радийоси хәвири: америка ақсарай дөләт хәвпсизлик мәслиһәтчиси җек сулливан исираилийәниң ғәззәгә 7-өктәбир (2023) дин буйан қиливатқан һуҗумлири давамлишиватқан бир вақитта, исираилийәгә йетип барди.

у дәсләптә дөләт мудапиә министири галлант билән көрүшүп, ғәззә вә ливан чеграсидики тоқунушларни музакирә қилди.

министир галлант көрүшүштин кейин байанат елан қилип, америка һөкүмитигә «шәртсиз қоллиғанлиқи» үчүн тәшәккүр ейтти.

сулливан арқидин исираилийә баш министири нетанйаһу билән көрүшти.

исираилийә дөләт хәвпсизлик мәслиһәтчиси ханегби, америка дөләт хәвпсизлик кеңишиниң оттура шәрқ вә шималий африқа кординатори брет м җ гурк қатарлиқларму көрүшүштә биргә болди.

сулливан билән нетанйаһуниң көрүшүшидин кейин, исираилийә уруш кабентиниң кәң даиридә йиғин өткүзүши күтүлмәктә.

сулливан рамаллаһта пәләстин дөләт рәиси мәһмут аббас биләнму көрүшиду.