amérika yéngi émbargo tizimlikini élan qildi

türkiye awazi radiyosi xewiri: amérika tashqi ishlar ministirliqi rusiyening ukrainani ishghal qilish urushini qollighan kishi we idare-organlargha émbargo yürgüzülidighanliqi toghrisida yazma bayanat élan qildi.

bayanatta, émbargo tizimlikining, «rusiyening ukrainani ishghal qilish urushini dawamlashturush iqtidarini kücheytish we rusiyening kelgüsidiki énérgiye ishlepchiqirishi shundaqla ékisport iqtidarini kücheytish» ke oxshash heriketlerni qilghan shexs hemde idare-organlardin teshkil tapidighanliqi bildürüldi.

tizimlikning 100 ini tashqi ishlar ministirliqi, 150 ini maliye ministirliqi békitip chiqqan bolup, bular ukraina pirézidénti wolodimir zélénskiy amérikani ziyaret qiliwatqan waqitta élan qilindi.

émbargo chet el puqraliri we shirketlirinimu öz ichige alidu.

bayanatta, émbargoning rusiyening ukrainani ishghal qilish urushigha oxshash «ziyanliq heriketlirini chekleshni» meqset qilidighanliqi ilgiri sürüldi.

rusiyening «Ust-Luga» portida qurulushi qiliniwatqan we pütkende gazpromgha ötküzüp bérilidighan tebiiy gaz suyuqlandurush merkizide paaliyet qilidighan üch shirketmu émbargo tizimlikige kirgüzüldi.

amérika tashqi ishlar ministirliqi shimaliy koréye bilen rusiye otturisida qoral-yaragh, oq-dora tiransiportida wezipe ötigen toshush shirketliri we buninggha chétishliq paraxotlarningmu émbargo tizimlikide ikenlikini bildürdi.

bu qétimqi émbargo tizimliki, rusiyeni dunyada eng köp émbargo yürgüzülgen döletke aylandurdi. tizimliktiki kishi we idare-organlargha qaritilghan qanun, amérikada mal-mülük sétiwélishni, banka mulazimetlirige érishishni we amérika shirketliri bilen soda qilishni chekleydu.