б д т ғәззәдә дәрһал уруш тохтитиш чақириқини қобул қилди

түркийә авази радийоси хәвири:  бирләшкән дөләтләр тәшкилати омумий кеңишидә «тинчлиқ үчүн бир гәвдилишиш» пилани даирисидә, ғәззә районида дәрһал «инсанпәрвәрлик нуқтисидин уруш тохтитиш» тәләп қилинған қарар лайиһәси авазға қойулди.

исраилийәниң ғәззә районида давамлаштуруватқан һуҗумлирини тохтитиши, хәлқара қанунларға бойсунуши, тутқунларни қойуп бериши вә инсанпәрвәрлик йардәмлириниң ғәззә райониға кириш сүритини тезлитиши тәләп қилинған қарар лайиһәси, 10 ға қарши 153 аваз билән қобул қилинди.

бирләшкән дөләтләр тәшкилати омумий кеңишидә 10-айниң 27-күни әмәлгә ашурулған беләт ташлашта аваз бериш һоқуқидин ваз кәчкән австиралийә билән канада, бу қетим қарар лайиһәсини қоллап аваз бәрди.

бирләшкән дөләтләр тәшкилати омумий кеңишиниң қарарлири иҗра қилдуруш күчигә игә болмисиму, әмма 193 дөләтниң 153 и мәзкур қарар лайиһәсини қоллап аваз бериш арқилиқ исраилийә билән америка қошма иштатлириға күчлүк сигнал бәргән болди.

һамасниң һәрбий қанити болған қәссам биригадилири 7-өктәбир (2023) шәнбә күни исраилийәгә қарши «әқса топани» намлиқ кәң көләмлик һуҗум қозғиғанлиқлирини елан қилғаниди.

исраилийә армийәси болса, уруш айропиланлири билән ғәззә шәһиригә «төмүр қилич һәрикити» қозғиғанлиқлирини билдүргәниди.

ғәззәдики һөкүмәт, исраилийәниң 7-өктәбирдин башлап қоршави астидики ғәззә районида давамлаштуруватқан һуҗумлири давамида, һайатидин айрилған, көпинчиси айаллар вә балилар дин тәшкил тапқан пәләстинликләр саниниң 18 миң 412 гә, йариланғанлар саниниң болса 50 миң 100 гә йәткәнликини уқтурғаниди.