israiliye ghezzedin tutqun qilghan ayallarni türmige tashlidi
israiliyening ghezzede tutqun qilghan 142 pelestinlik ayal esirni türmige tashlighanliqi bildürüldi.
türkiye awazi radiyosi xewiri: pelestin esirler jemiyiti we pelestin azadliq teshkilatigha qarashliq pelestin mehbuslar ishliri komitéti ghezzede tutqun qilinghan ayallarning türmige tashlanghanliqi toghrisida birleshme yazma bayanat élan qildi.
bayanatta, israiliye qisimlirining ghezzede quchiqida bowaqliri bar anilarni, yashanghanlarni we kichik balilarnimu qoshqanda, jemiy 142 pelestinlik ayalni tutqun qilip, ularni türmige tashlighanliqini bildürdi.
pelestinlik ayallarning éd damun we hod hasharon qatarliq oxshimighan türmilerge tashlanghanliqi eskertildi.
israiliye hazirghiche bu heqte héchqandaq bayanat élan qilmidi.
pelestinlik ammiwi teshkilatlar ilgirimu birleshme bayanat élan qilip, israiliye qisimlirining qorshaw astidiki ghezze rayonidin tutqun qilghan we ramallahning gherbidiki ofér türmisige tashlanghan pelestinlik mehbuslargha qarita qorqunchluq jinayetlerni sadir qilghanliqini bildürgen idi.
bayanatta, israiliyening pelestinlik mehbuslarning sani, ularning teqdiri, tutup turuluwatqan jayliri yaki salametlik ehwali heqqide uchur bérishni ret qilip kéliwatqanliqi tekitlengen idi.
