daniyede muqeddes kitablargha hujum qilish qanungha xilap

türkiye awazi radiyosi xewiri: daniye parlaméntida, muqeddes kitablarni köydürüsh we bu kitablargha hujum qilishni qanungha xilap hésablaydighan qanun layihesi awazgha qoyuldi.

daniye parlaméntining 77 ezasi  qanun layihesini ret qilip, 94 ezasi qobul qilip awaz tashlidi.

mezkur qanun bilen, daniyede quran kerim we bashqa muqeddes kitablarni köydürüsh, hujum qilish we diniy meniwiyetlerge muwapiq bolmighan muamile qilish meni qilinidu. bu qanungha xilapliq qilghanlargha jerimane qoyulidu yaki ikki yilgha yéqin qamaq jazasigha höküm qilindu.

daniye ayal padishahi 2-margrét qanunning küchke ige bolushi üchün testiqlishi kérek.

shiwétsiye bilen daniyede yéqinqi künlerde quran kerimge hujum qilish weqeliri köpiyip qalghan bolup, hökümetlerning buninggha ruxset qilishi qattiq naraziliqlargha seweb bolghan idi.

daniyening ashqun ongchi siyasetchisi rasmus paludan 2022-yili paskal bayrimi boyiche shiwétsiyening malmö, norköpin, zhönköping qatarliq sheherler bilen paytext stokholmda quran köydürüsh ighwagerchilikini dawamlashturghan idi.

u 21-yanwar (2023) türkiyening stokholm elchixanisi, 27-yanwar kopénhagén elchixanisi aldida quran kerim köydürgen idi.

stokholmda esli iraqliq bolghan salwan momika quran héytning birinchi küni (2023-yili 28-iyun) stokholm jamesining aldida saqchilarning qoghdishi astida quran kerim köydürgen idi.

salwan momika buning bilen qalmay, 20-iyul (2023) da iraqning stokholmdiki elchixanisi aldida, 31-iyul shiwétsiye parlaménti aldida saqchilarning qoghdishi astida quran kerim bilen iraq bayriqini köydürgen idi. u kéyinche téximu heddidin éship, 25-26-27- we 29- awghust (2023) künlirimu stokholmning oxshimighan jaylirida saqchilarning qoghdishi astida quran kerim köydürüshni dawamlashturghan idi.

esli iranliq behram marjanmu 3-awghust (2023) stokholmning angbaybadét qirghiqida saqchilarning qoghdishi astida quran kerim köydürgen idi.