hérzi haléwi: ghezzediki yer asti tonéllargha su qoyup bérish yaxshi pikir
israiliye armiye bash ishtab bashliqi hérzi haléwi ghezze rayonidiki hamasning yer asti tonéllirigha déngiz süyi qoyup bérishning yaxshi pikir ikenlikini bildürdi.
türkiye awazi radiyosi xewiri: haléwi israiliye armiyesi quruqluq herikitini kéngeytishke urunuwatqan ghezze rayonini ziyaret qilish jeryanida bayanat élan qildi.
amérikaning «wol strét zhurnal» géziti, «israiliye armiyesi hamasning yer asti tonéllirigha déngiz süyi qoyup béridu» dégen xewerlerge munasiwetlik analizida, haléwining: «yer asti tonélliridin paydilinishning aldini élish üchün barliq chareler üstide muzakire qiliwatimiz. tonéllarni su bilen toldurush yaxshi pikir. hazirche bu heqte éniq bér nerse déyelmeymen» dégenliki bildürüldi.
israiliye armiye bash ishtab bashliqi hérzi haléwi ghezzede birdin köp yer asti tonéllarni körgenlikini we hamasning bu tonéllardin paydilinishning aldini élish üchün partlitish, tindurush qatarliq usullarni öz ichige alghan oxshimighan charelerning barliqini» bildürdi.
