tashqatma yéqilghulirini emeldin qaldurush kilimat özgirishi yighinining küntertipige aylandi
b d t 28-nöwetlik kilimat özgirishi yighini (COP28) da, tashqatma yéqilghulirini qedemmu qedem emeldin qaldurush mesilisi muzakire qilinmaqta.
türkiye awazi radiyosi xewiri: ereb birleshme xelipilikining dubey shehiride ötküzülgen «COP28» dep atalghan b d t kilimat özgirishi yighinida, tashqatma yéqilghulirini qedemmu qedem emeldin qaldurush muzakire qilinmaqta.
pikir birliki hasil qilinish éhtimali bolghan kélishim mezmuni, tashqatma yéqilghulirini «tertiplik we adil» shekilde emeldin qaldurushning oylishiliwatqanliqini körsetmekte.
tékist layiheside, birinchi basquch «tashqatma yéqilghuni tertiplik we adil shekilde emeldin qaldurush», ikkinchi basquch «cheklenmigen tashqatma yéqilghuni emeldin qaldurush tirishchanliqlirining süritini tézlitish» dep ipade qilindi.
muzakirechiler tashqatma yéqilghuning kelgüsi üchün ortaq tesewwur hasil qilishqa urunmidi. bu tékist layihesi yene kelgüsi 10 yil ichide herqaysi döletlerning «cheklenmigen kömür énérgiyesini tézlikte emeldin qaldurush» we «karbon töt oksid qoyup béridighan yéngi kömür éléktr istansisi qurulushlirini derhal toxtitish» türini öz ichige alidu.
«cheklenmigen» éléktr istansisi karbon töt oksidning atmosféragha qoyup bérishi cheklenmigen eslihe dep bilinidu. dunyadiki éléktr istanssilirining köpinchisi mushu türde ikenliki qeyt qilinidu.
