xelqara jinayi ishlar soti bash mupettishi israiliyeni xelqara qanungha hörmet qilishqa chaqirdi

türkiye awazi radiyosi xewiri: xelqara jinayi ishlar sotining bash mupettishi kerim xan pelestinning ramallah shehirini ziyaret qilghandin kéyin ijtimaiy alaqe adrésida hembehrligen widéoda, israiliyeni xelqara qanunlargha riaye qilishqa chaqirdi.

kerim xan hembehirligen yazmisida nurghun insanning öltürülgenliki we yarilanghanliqini tekitlep: «eger insaniyetni azraq bolsimu hörmetleydighan bolsaq, qanungha hörmet qilidighan waqit keldi. ishxanam bu ishlarni aktip halda tekshürmekte» dédi.

kerim xan yazmisida tenqid qilghan we ramallahtin ayrilishtin ilgiri köz qarashlirigha orun bergen widéo uchurida: «men (israiliye emeldarliri bilen körüshkende) qanungha emel qilidighan peyt kelgenlikini nahayiti éniq éyttim. eger israiliye hazir emel qilmisa, kéyin shikayet qilmasliqi lazim» dédi.

mektepler, doxturxanilar, jameler, chérkawlar we aililer olturaqlashqan öylerning xelqara qanunlarda qoghdilidighanliqini shundaqla bombardiman qilishqa bolmaydighanliqini tekitligen kerim xan, jenwe ehdinamisining bowaqlar, kichik balilar, ayallar, yashanghanlar we puqralarni qoghdash üchün bar ikenlikini ikenlikini tekitlidi.

kerim xan insanperwerlik yardemlirining ghezzege kirishige tosqunluq qilishni qetiy qobul qilghili bolmaydighanliqini eskertip: «ghezzediki doxturlarning toksiz opératsiye qilishi yaki kichik balilarning narkoz qilinmay opératsiye qilinishigha héchqandaq bahane körsetkili bolmaydu» dédi.

gherbiy qirghaqta israiliye köchmenliri sadir qilghan zorawanliqni «qobul qilghusiz» dep teripligen kerim xan, bu zorawanliqning jazasiz qalmasliqi kéreklikini tekitlidi.