israiliye armiyesi ghezzediki doxturxanilar toghrisida bayanat élan qildi
israiliye armiyesi bayanatchisi xagari kündilik muxbirlarni kütüwélish yighinida, israiliyening ghezzege qaratqan hujumliri toghrisida toxtaldi.
türkiye awazi radiyosi xewiri: israiliye armiyesi bayanatchisi daniél xagari «hamasning herbiy qaniti bolghan izzuddin qessam birigadisining ghezze doxturxanilirini herbiy ishlargha ishletkenliki»ni, shunga «bu doxturxanilarning xelqaraliq qoghdash salahiyitini yoqitishining mumkinliki»ni ilgiri sürdi.
qessam birigadisining ghezzediki doxturxanilarni herbiy ishlar üchün ishletkenlikini ilgiri sürgen xagari, shunga rayondiki doxturxanilarning «xelqara qanundiki alahide qoghdash salahiyitini yoqitidighanliqi»ni éytti.
xagarining bu bayanatigha <7-öktebirdin buyan dawam qiliwatqan hujumlar jeryanida ghezzede bombardiman qilghan doxturxanilarning xelqara qoghdash salahiyitige ige ikenlikini qobul qilish> dep baha bérildi.
israiliye armiyesi ötken aydin buyan dawam qiliwatqan hujumliri jeryanida, ghezzediki 35 doxturxanining 22 sini zerbe obyékti qildi.
buningdin bashqa, israiliye tankiliri bilen herbiy qisimliri ghezzening shimalidiki bir qisim doxturxanilarni qamal qilishni dawamlashturmaqta.
