firansisko rokka israileiyening hujumlirigha «boldi yéter!» dep naraziliq bildürdi
xelqara qizil krést we qizil ay jemiyiti (IFRC) reisi firansisko rokka: «boldi yéter! xelqara jemiyet ghezzediki weziyetni qandaq qobul qilalisun? quddus doxturxanisidiiki bowaqlar we éghir késellerning hayati xewp astida» dédi.
türkiye awazi radyosi xewiri: rokka israiliyening muhasirisi we küchlük hujumliri astidiki ghezzening weziyiti heqqide X ijtimaiy alaqe supisida hembehirligen uchurida, «boldi yéter! xelqara jemiyet ghezzediki weziyetni qandaq qobul qilalisun? quddus doxturxanisidiiki bowaqlar we éghir késellerning hayati xewp astida» dédi hemde urushni derhal toxtitishqa chaqiriq qildi.
firansisko rokka ghezzege insanperwerlik yardimining yétip bérishni kapaletke ige qilish we yéqilghunimu öz ichige alghan barliq yardemlerning ghezzening shimalighimu yétip kélishi kéreklikini tekitlidi.
xelqara qizil krést we qizil hilal jemiyiti bash katipi jagan chapagayinmu ijtimaiy alaqe supisidiki bayanatidapelestin qizil ay jemyitining intayin qorqunchluq bir weziyetke qalghan quddus doxturxanisining yénida éghir bombardimanlarning dawamlishiwatqanliqini bildürgenlikini éytti.
jagan chapagayin «bowaqlarnimu öz ichige alghan nurghun kishilerning hayati xewp astida turmaqta, doxturxanilar choqum qoghdilishi kérek» dédi.
