yette dölet guruhi rusiyege dawamliq émbargo yürgüzüsh mesiliside pütüshti
yette dölet guruhigha eza döletlerning diplomatiye ministirliri ukrainani dawamliq küchlük qollash we rusiyege qaritilghan éghir iqtisadiy émbargolarni dawamlashturush mesiliside birdeklik hasil qildi.
türkiye awazi radiyosi xewiri: yette dölet guruhining 2023 – yilliq nöwetchi reisi yaponiyening sahibxanliqida, paytext tokyoda yette dölet guruhigha eza döletlerning tashqi ishlar ministirliri yighini chaqirildi.
yaponiye tashqi ishlar weziri kamikawa yoko riyasetchilik qilghan yighingha, amérika qoshma ishtatliri, kanada, gérmaniye, italiye, engliye we firansiye diplomatiye ministirliri qatnashti.
yighinning «ukraina» témiliq bölümide, yette dölet guruhigha eza döletlerning tashqi ishlar ministirliri ukrainani dawamliq küchlük qollash we rusiyege qaritilghan éghir iqtisadiy émbargolarni dawamlashturush mesiliside birdeklik hasil qildi.
ministirlar 2022-yili 2-aydin buyan rusiyening hujumigha uchrawatqan ukrainani ottura we uzaq mezgilde qayta qurup chiqish xizmitining kücheytilidighanliqini tekitlidi.
