xalid bin selman washingtonda loyd ostin bilen körüshti
amérika dölet mudapie ministiri loyd ostin seudi erebistan dölet mudapie ministiri xalid bin selman bilen söhbetliship, ikki döletning mudapie hemkarliqini ashurush we kéngeytishni tekitlidi.
türkiye awazi radiyosi xewiri: amérika dölet mudapie ministirliqi — péntagonning bu heqtiki yazma bayanatida, ministir ostinning ministir bin selman bilen amérika paytexti washingtonda körüshkenliki؛ uchrishishta, ostinning amérikaning seudi erebistanni mudapie qilish toghrisidiki wedisini yene bir qétim tekitlep, ikki döletning mudapie hemkarliqini kücheytish we kéngeytishning zörüriyitini otturigha qoyghanliqigha isharet qilindi.
bayanatta körsitilishiche, ostin seudi erebistanning rayonda oynawatqan roligha rehmet éytip, dölitining seudi erebistan bilen rayondiki tehditlerge qarshi dawamliq hemkarlishidighanliqini otturigha qoyghan.
amérikaning israiliyeni qollaydighanliqi toghrisida seudi erebistanliq mensepdishigha melumat bergen ostin, amérikaning puqralarni qoghdash we ghezzege insanperwerlik yardimi yetküzüsh iradisining qetiy ikenlikini tekitligen.
ikki ministir rayondiki jiddiychilikning téximu keskinliship kétishining aldini élish üchün, birlikte küch chiqirish toghrisida birdeklik hasil qilghan.
