putin: yehuiylargha hujum qilish bilen pelestinge yardem qilghili bolmaydu
rusiye pirézidénti wladimir putin pelestinde yüz bergen weqeler üstide toxtilip: «minglighan bigunah kishiler qalaymiqan öltürülgen ghezzede yüz bergen dehshetlik weqelerning héchqandaq toghra teripi yoq» dédi.
türkiye awazi radiyosi xewiri: putin rusiye fédératsiyesining daghistan aptonom rayonidiki ayrodurumda israiliyedin kelgen ayropilan sewebidin namayishchilar bilen bixeterlik qisimliri otturisida yüz bergen sürkilish toghrisida échilghan yighinda söz qildi.
u ottura sherqtiki özgirishlerdin rusiyege qarshi paydilinish üchün heriket qiliniwatqanliqini ilgiri sürüp: «ular bu meqsette yalghanchiliq, ighwagerchilik, murekkep, tajawuzchiliq pisxikisi we saxta uchur amilliridin paydiliniwatidu» dédi.
u ottura sherqtiki yéngi kirizisning israiliyege qilinghan hujumdin bashlanghanliqini eskertip, sözini töwendikidek dawam qildi:
«nahayiti epsuski biz jinayetchiler we térrorchilarni jazalashning ornigha, kolléktip mesuliyet pirinsipidin öch élish üchün paydiliniwatqanliqini körüwatimiz. ghezze rayonida yüz minglighan bigunah kishiler qalaymiqan öltürülgen dehshetlik weqelerning héchqandaq toghra teripi yoq. ularning bombardimanlardin qéchip yoshurunghudek héchqandaq yéri yoq.»
u pelestinde puqralarning ölümi sewebidin qayghuruwatqanliqini eskertip: «tini qanghan boyalghan balilargha, ölük balilargha, ayallar we yashanghanlarning qandaq azab-oqubet chékiwatqanliqigha, saqliq saqlash xadimlirining qandaq ölgenlikige qarighinimizda, elwette mushtingizni siqisiz we közingizge yash kélidu, buni ipadileshning bashqa amali yoq» dédi.
u daghistandiki maxachqele ayrodurumida yüz bergen weqeler üstide toxtaldi.
u mundaq dédi:
«maxachqelede yüz bergen weqeler, ijtimaiy taratqularni öz ichige alghan halda, bolupmu ukraina zéminliridin, gherb agéntliqliridin chiqti. daghistanda yashaydighan tagh yehudiylirigha hujum qilip, pelestinge yardem qilghili bolmaydu. pelestinge yardem qilishning birdinbir yoli, bu tiragédiyening arqisidikilerge qarshi küresh qilishtur. biz rusiye bolush süpitimiz bilen, alahide herbiy heriket ramkisida ular bilen urush qiliwatimiz. biz hem özimiz hemde heqiqiy erkinlikni xalaydighanlar üchün urush qiliwatimiz. héssiyat bilen heriket qilmasliqni tekitleymen. ottura sherq we dunyaning bashqa rayonliridiki xelqler bashtin kechürüwatqan tiragédiyelerning arqisida heqiqiy kimning barliqini, ölümge tolghan qalaymiqanchiliqlarni kimning pilanlawatqanliqini, buningdin kimning menpeetke érishiwatqanliqini bilishimiz kérek. amérikaning hazirqi hökümet emeldarliri we ularning qorchaqliri, dunya muqimsizliqidin eng köp nepke érishküchiler hésablinidu. bulardin qangha tolghan paydilirini qolgha keltüridu.»
u axirida, amérikaning dunyawi küch süpitide ajizlighanliqini, bu sewebtin rusiyeni öz ichige alghan bashqa reqipliride qalaymiqanchiliq peyda qilish yoli bilen muqimliqqa ziyan sélishqa tirishiwatqanliqini tekitlidi.
