نىگېرىيەدە بىر كېمە ئۆرۈلۈپ كېتىپ 15 ئادەم ئۆلدى

تۈركىيە ئاۋازى رادىيوسى خەۋىرى: ئىگىلىنىشىچە، مايورېنېرو رايونىدىكى بېلىق بازىرىدىن تارابا ئۆلكىسىگە قايتىۋاتقان ۋە 100 دىن ئارتۇق يولۇچى ئولتۇرغان بىر كېمە بېنۇئې دەرياسىدا ئۆرۈلۈپ كەتكەن.

ۋەقە يۈز بەرگەندىن كېيىن باشلانغان ئىزدەش – قۇتقۇزۇش پائالىيەتلىرى داۋامىدا، 15 كىشىنىڭ جەسىتى تېپىلغان.

رايوندا ئىزدەش – قۇتقۇزۇش پائالىيەتلىرى داۋاملىشىۋاتقان بولۇپ، قازا قىلغانلار سانىنىڭ كۆپىيىپ كېتىشىدىن ئەندىشە قىلىنماقتا ئىكەن.

نىگېرىيەدە يامغۇر پەسلىدە دەريا ۋە كۆللەردە  پات – پات كېمە ئۆرۈلۈپ كېتىش ئاپەتلىرى يۈز بېرىدىكەن.

ئەڭ ئاخىرقى قېتىم، 9-سېنتەبىر كۈنى نىگېر ئۆلكىسىدە، 11-سېنتەبىر كۈنى ئاداماۋا ئۆلكىسىدە يولۇچىلار ئولتۇرغان كېمىلەر چۆكۈپ كېتىپ، 40 ئادەم ھاياتىدىن ئايرىلغانىدى.