isirailiyening bombardimanlirida 4 mingdin artuq kishi jénidin ayrildi

türkiye awazi radiyosi xewiri: pelestin wafa (WAFA) agéntliqi sheherdiki sehiye organliridin élinghan melumatlargha asaslanghan halda ghezzede jénidin ayrilghanlarning %70 ni balilar, ayallar we yashanghan kishilerning teshkil qilidighanliqini élan qildi.

wafa agéntliqining bildürüshiche, 7-öktebir (2023) din buyan isirailiyening bombardimanlirida jénidin ayrilghanlar sani 4 ming 700 ke chiqqan.

ghezzege qarita élip bériliwatqan bombardimanlarning 16-künide, isirailiye herbiy ayropilanlirining bombardimani we quruqluqtin qilinghan hujumlarda bir künde 400 din artuq pelestinlik jénidin ayrildi.

sehiye organliridin élinghan melumatlargha asaslanghanda, yekshenbe (22-öktebir) küni xan yunus musapirlar lagérida 44, refahta 57, sheherning ottura qismida 168, ghezze sheher merkizide 66, shimalda 44 pelestinlik jénidin ayrilghan.

misir chégrasi etrapigha jaylashqan refah shehiridiki bir öyning bombardiman qilinishi netijiside, alte kishi jénidin ayrilghan, 11 kishi yarilanghan. karara mehelliside besh kishi jénidin ayrilghan. ghezzening ottura qismigha jaylashqan mighraka rayonidiki bir öyning bombardimanida töt kishi jénidin ayrilghan, alte kishi yarilanghan.

jibalya musapirlar lagéridiki ikki öy we elalbani mesjidi bombardimanida 20 din artuq kishi jénidin ayrilghan.

wafa agéntliqining sehiye ministirliqidin neqil élip élan qilghan melumatlirida qeyt qilinishiche, isirailiyening bombardimanida ghezzediki bezi mehelliler pütünley weyran bolghan. bezi aililerning barliq ezaliri jénidin ayrilghan.

isirailiye ayropilanliri ghezzening ottura qismidiki shifa doxturxanisi we quddus doxturxanisining etrapinimu bombardiman qildi.

ghezzediki ichki ishlar ministirliqining bayanatida, isirailiye ayropilanlirining sheyx ridwan we elbesre mehellisidiki öylerni bombardiman qilghan. bombardimanda ölüm-yétim hadisiliri körülgen.

isirailiye ayropilanliri ghezzening shimaligha jaylashqan jibaliya musapirlar lagérini bombardiman qildi. bombardimanda, nurghun pelestinlik jénidin ayrildi, onlarche kishi yarilandi.

isirailiye armiyesi ghezzege hawa we quruqluqtin hujum qiliwatqan bir waqitta, iyordan deryasining gherbiy qirghiqida nurghun pelestinlik qolgha élindi.

eleqsa qanilining télégram sehipiside élan qilinghan xewerlerde bildürülishiche, isirailiye armiyesi iyordan deryasining gherbiy qirghiqidiki tinitishlirida qoralliq qarshiliqqa duch kelgen.

isirailiye armiyesi liwanning jenubida hizbullahning közitish nuqtiliri we aytarun yézisi etrapini bombardiman qildi.

ghezzediki sehiye ministirliqning télégram adrésida, ministirliq bayanatchisi eshref elqudraning ghezzede yéqilghusi tügigen doxturxanilargha iane qilish chaqiriqigha munasiwetlik bayanati hemberlendi.

bayanatta, «yéqilghu ponkiti xojayinlirini we qolida qanchilik bolushidin qetiynezer doxturxanilargha iane qilishqa chaqirimiz» déyildi.

bayanatchi eshref elqudra doxturxanilargha yéqilghu iane qilmasliqning 38 balini öz ichige alghan 1100 neper börek yétishmeslik késilige giriptar bolghan bémarning hayatigha tehdit peyda qilidighanliqini bildürdi.

pelestin islamiy qarshiliq körsitish herikiti – hamasning herbiy qaniti bolghan «qessam birigadisi» 7 – öktebir shenbe küni israiliyege qarshi «eqsa topani» namliq keng kölemlik hujum qozghighanliqini élan qilip, ghezzedin israiliyege qaritip minglarche rakétamiyot atqan we qoralliq guruppilar rayondiki ahaliler rayonlirigha basturup kirgenidi.

israiliye armiyesimu urush ayropilanlirini ishlitip ghezzege qarshi «tömür qilich» herikitini bashlighanliqini élan qilghanidi.