jo baydin: hamas israiliye bilen seudi erebistan otturisidiki munasiwetke ziyan salmaqchi
amérika pirézidénti jo baydin hamasning hujumining israiliye bilen seudi erebistan otturisidiki munasiwetke buzghunchiliq qilish üchün élip bérilghanliqini bildürdi.
türkiye awazi radyosi xewiri: jo baydin qatnashqan bir yardem toplash yighinida israiliye-pelestin toqunushi üstide toxtilip, «ular méning seudiyliqlar bilen bir üstelge kélidighanliqimni biletti. seudiyliqlar israiliyeni étirap qilmaqchi idi» dédi we hamasning israiliyege hujum qilishidiki seweblerdin birining israiliye bilen seudi erebistan otturisidki munasiwetning normallishish musapisigha buzghunchiliq qilish ikenlikini éytti.
seudi erebistan text warisi shahzade muhemmed bin salman 20-öktebirdiki bayanatida, israiliyening mahasirisi astidiki ghezze rayonigha qilghan hujumini toxtitishi kéreklikini tekitlep, «bügün ghezzede biz shahit bolghan we bedilini bigunah puqralar ötewatqan shundaqla künséri küchiyiwatqan zorawanliqlarni körüsh bizni qayghugha salmaqta» dégen idi.