israiliye dunya jamaetchilikining közi aldida yéngi qirghinchiliq sadir qildi
israiliye armiyesi ghezzediki elehli babtist doxturxanisini bombardiman qilip, yüzlerche kishining jénigha zamin boldi.
türkiye awazi radiyosi xewiri: israiliye ghezzediki elehli babtist doxturxanisini bombardiman qilip, deslepki melumatlargha qarighanda 500 ademning jénigha zamin boldi.
ghezzediki sehiye ministirliqi bayanatchisi eshref elqudre, elehli babtist doxturxanisining bombardiman qilinishi netijiside, köp sanliqi bowaqlar, balilar we ayallar bolup, 500 ademning qaza qilghanliqini uqturdi.
pelestin dölet reisi mehmud abbas bombardimandin kéyin, üch künlük matem élan qildi.
türkiye jumhuriyiti tashqi ishlar ministirliqi féysbuktiki adrésida israiliyening hujumigha naraziliq bildürüp, israiliye urush ayropilanlirining ghezzediki elehli babtist doxturxanisini bombardiman qilish arqiliq «urush jinayiti» sadir qilghanliqini we buning shundaqla insaniyetke qarshi sadir qilinghan jinayet ikenlikini bildürdi.
pelestin islamiy qarshiliq körsitish herikiti – hamasning herbiy qaniti bolghan «qessam birigadisi» 7 – öktebir shenbe küni israiliyege qarshi «eqsa topani» namliq keng kölemlik hujum qozghighanliqini élan qilip, ghezzedin israiliyege qaritip minglarche rakétamiyot atqan we qoralliq guruppilar rayondiki ahaliler rayonlirigha basturup kirgenidi.
künséri keskinlishiwatqan toqunushlar jeryanida, her ikki tereptin yüzlerche kishi talapetke uchridi.
