abdullahyan islam hemkarliq teshkilati bash katipi hüseyin ibrahim taha bilen körüshti
iran tashqi ishlar ministiri höseyin emir abdullahyan islam hemkarliq teshkilatining ghezze weziyiti heqqidiki pewquladde yighinigha qatnishish üchün jiddige yétip bérip, islam hemkarliq teshkilati bash katipi hüseyin ibrahim taha bilen körüshti.
türkiye awazi radyosi xewiri: iran tashqi ishlar ministiri abdullahyan uchrishishta, israiliyening doxturxana hujumi qatarliq ghezzede sadir qilghan urush jinayitini ispatlash we bu jinayetlerni sadir qilghan israilye mesullirining xelqara mehkimilerde sotlinishigha zémin hazirlash üchün islam hemkarliq teshkilati dairiside qanun guruppisi qurushi kéreklikini otturigha qoydi.
iran tashqi ishlar ministiri yene, islam hemkarliq teshkilatigha eza döletler teripidin israiliyege qarshi néfit émbargosii yügüzishnimu öz ichige alghan «toluq émbargo yürgüzüsh» ke shundaqla israiliye bash elchilirini döletliridin qoghlap chiqirishqa chaqiriq qildi.
islam hemkarliq teshkilatining bash katipi hüseyin ibrahim taha bolsa, israiliyening hujumiini toxtitish üchün islam hemkarliq teshkilatining ortaq pozitsiye belgilishi kéreklikini bildürdi.
pelestin-israiliye toqunushi muzakire qilinidighan islam hemkarliq teshkilatining hemmige ochuq ijraiye komitéti yighini bügün jiddede ötküzülmekte.
israiliyening tünügün kechte ghezzediki ehli baptist doxturxanisigha qilghan hujumida kem dégende 500 pelestinlik hayatidin ayrilghan idi.
