yehudiy köchmenler üch pelestinlikni öltürdi
ishghaliyet astidiki gherbiy qirghaq (iyordan deryasining gherbiy qirghiqi)tiki yehudiy köchmenler pelestinning nablus shehiride üch pelestinlikni öltürdi, 11 pelestinlikni yarilandurdi.
türkiye awazi radiyosi xewiri: pelestin qizil hilal ay jemiyiti bayanat élan qilip, nablus shehirining qusra bazirida pelestinlikler bilen yehudiy köchmenler otturisida sürkilish yüz bergenlikini, pelestinliklerge heqiqiy oqlarni ishlitip hujum qilghan köchmenlerning üch pelestilikni öltürüp, alte yashliq bir balini öz ichige alghan 11 pelestinlikni yarilandurghanliqini uqturdi.
pelestin islamiy qarshiliq körsitish herikiti – hamasning herbiy qaniti bolghan «qessam birigadisi» shenbe küni israiliyege qarshi «eqsa topani» namliq keng kölemlik hujum qozghighanliqini élan qilip, ghezzedin israiliyege qaritip minglarche rakétamiyot atqan we qoralliq guruppilar rayondiki ahaliler rayonlirigha basturup kirgenidi.
arqidin israiliye armiyesi urush ayropilanliri bilen ghezzege qarshi «tömür qilichlar» herikitini qozghighanliqini élan qilghanidi.
künséri keskinlishiwatqan toqunush jeryanida ikki tereptin yüzlerche kishi talapetke uchridi.
