nurghun döletler isirailiyediki puqralirini tarqaqlashturushni bashlidi
isirailiyediki chet el puqraliri bixeterlik endisheliri sewebidin tarqaqlashturulmaqta.
türkiye awazi radiyosi xewiri: dunyadiki nurghun döletler isirailiyediki puqralirini tarqaqlashturush ishlirini bashlidi.
gérmaniye puqralirini isirailiyedin tarqaqlashturushqa teyyarlandi. gérmaniye lufxansa hawa yolliri shirkiti isirailiyege töt nöwet ayropilan sepiri qatnaydighanliqini bildürdi.
girétsiye isirailiyediki 90 puqrasini tarqaqlashturghanliqini élan qildi.
biraziliye pirézidénti lula dasilwa puqralirini élip kélish üchün ewetilgen birinchi ayropilanning tél awiwgha yétip barghanliqini élan qildi.
argéntinamu isirailiyediki puqralirini tarqaqlashturushni oylishiwatqan bolup, mesullar puqralirining dölitige qaytishi üchün munasiwetlik xizmetlerni bashlighanliqini qeyt qildi.
kolombiyemu puqralirini tarqaqlashturush üchün isirailiyege herbiy ayropilan ewetidighanliqini bildürdi.
italiye isirailiyediki puqralirini tarqaqlashturush ishlirini bashlidi. deslepki qedemde 200 italiye puqrasi rimgha yétip keldi.
hamasning herbiy qaniti qassam birigadiliri shenbe (7-öktebir) küni isirailiyege «eqsa topani» namida keng kölemlik hujum bashlighanliqini élan qilghan idi. hamasning hujumida, ghezzedin isirailiyege minglarche rakéta étilghan we qoralliq guruppilar rayondiki ahaliler rayonigha bésip kirgen idi.
isirailiye armiyesimu buninggha qarita «tömür qilich» namliq heriket bashlighan idi.
ikki terepning toqunushlirida yüzlerche kishi jénidin ayrildi.
