hindistanda yüz bergen kelkün apitide 14 adem qaza qildi
hindistanning sikkim ölkiside yüz bergen kelkün apitide 14 adem hayatidin ayrildi, 23 eskerni öz ichige alghan 120 adem yoqap ketti.
2046639
türkiye awazi radiyosi xewiri: sikkim ölkilik apetni bashqurush idarisining bashliqi prabxakar rayning éytishiche, kech tereplerde lachén rayonida su orni tuyuqsiz örlep, kelkün apiti yüz bergen.
ölke dairilirining bildürüshiche, deslepki tekshürüsh netijisige qarighanda, kelkün apitide 14 kishi hayatidin ayrilghan, 23 eskerni öz ichige alghan 120 kishi yoqap ketken.
dairiler kelkün apiti «muzluq kölning téshishi» sewebidin yüz bergen dep qarap, bu heqte tekshürüsh élip barmaqta iken.
gherbiy béngal ölkisining bash ministiri mamata banérjining éytishiche, apet rayonidin 10 ming kishi tarqaqlashturulup, döletning oxshimighan 9rayonida tesis qilinghan musapirlar lagérlirigha orunlashturulghan.
