italiyede bir yoluchilar aptobusi köwrüktin chüshüp ketti
italiyening méstré shehiri etrapida bir yoluchi aptobusining köwrüktin chüshüp kétishi netijiside 21 kishi jénidin ayrildi.
2046036
türkiye awazi radiyosi xewiri: italiye taratquliridiki xewerlerde qeyt qilinishiche, méstré shehiridin margéragha qarap kétiwatqan bir yoluchilar aptobusi namelum sewebler tüpeylidin égizliki texminen 15 métir kélidighan köwrüktin chüshüp ketken.
wénédik waliy mehkimisining bayanatida qeyt qilinishiche, weqede deslepki melumatlargha köre 21 kishi jénidin ayrilghan, 12 kishi yarilanghan we 5-4 kishining iz-dériki bolmighan.
eskertilishiche, jénidin ayrilghanlarning köpinchisi chet ellikler bolup, weqe yüz bergen jayda ukraina pasportliri tépilghan.
italiye pirézidénti sérgiyo mattarélla wénédik sheher bashliqi brugnarogha téléfon qilip, weqege munasiwetlik melumat alghanliqi bildürüldi.
