amérika bir süniy hemrah téléwiziye shirkitige jerimane qoydi
amérika tunji qétim alemge tashliwétilgen xeterlik exletler we exlet qalduqliri sewebidin téléwiziye shirkitige jerimane qoydi.
türkiye awazi radiyosi xewiri: amérika hökümiti qarmiqidiki fédératsiye uchur-alaqe komitéti (FCC) süniy hemrah téléwiziye shirkiti bolghan dish nétwork (Dish Network) orbétagha qoyup bergen töwen iqtidarliq süniy hemrahning yoshurun xewp peyda qilghanliqini bildürüp, 150 ming dollar jerimane qoydi.
fédératsiye uchur-alaqe komitétining alemdiki xeter lik exletlerni bir terep qilish üchün yolgha qoyghan jerimane tedbirliri, alemdiki exletlerge munasiwetlik ehwalning éghirliqini ashkarilap bermekte.
amérika alem qatnishi idarisi-nasa (NASA) yer shari orbétasida kengliki 10-1 santimétirghiche kélidighan texmine 500 mingdin artuq zerriche we kengliki 1 millimétirdin chong bolghan 100 milyondin köp zerrichilerning barliqi toghrisida doklat élan qilghan idi.
bu yil (2023) ning béshidin tartip hésablighanda, yer shari etrapida ayliniwatqan 6 mingdin artuq aktip xizmet sunuwatqan süniy hemrahning barliqi ilgiri sürülmekte.
xitay 2007-yili 1999-yili qoyup bérilgen «1C-féngyün» métérologiye süniy hemrahini bashqurulidighan bomba bilen étip parchiliwetken idi. eyni waqitta xitayning bu herikitining «chongqur endishe» peyda qilghanliqi bildüürlgenidi.
2009-yili amérikaning bir süniy hemrahi bilen rusiyening bir süniy hemrahining soqushup kétishi, xelqara alem ponkitining xeter astida ikenlikini we bu ehwalning alemde 2 mingdin artuq süniy hemrah parchisini peyda qilidighanliqi toghrisidiki endishelerge seweb bolghan idi.
