hindistanda kelkün apiti yüz bérip 30 adem qaza qildi
hindistanning sikkim ölkiside meydangha kelgen kelkün apitide 23 nepiri esker bolup, jemiy 30 adem qaza qildi.
türkiye awazi radiyosi xewiri: «hindistan waqit géziti» ning xewirige qarighanda, sikkim ölkilik tebiiy apetlerni bir terep qilish orgini bash dériktori prabakar ray, lachén rayonida suning tuyuqsiz örlep kétip, kelkün apiti keltürüp chiqarghanliqini bildürgen.
ray, deslepki tekshürüsh netijisige qarighanda, yette ademning yoqap ketkenlikini eskertken.
hindistan armiyesi bayanat élan qilip, rayondiki herbiy bazilarda wezipe ötewatqan 23 herbiy xadimning kelkünde yoqap ketkenlikini uqturdi.
yene bir tereptin, béngalning bezi rayonliridimu kelkündin hoshyar bolush toghrisida agahlandurush uqturushi tarqitildi.
igilinishiche, kelkünni «muzluq kölning téship kétishi» sewebidin kélip chiqqan bolushi mumkin dep qarawatqan dairiler, apetning yüz bérish sewebini tekshürmekte iken.
