firansiye memuriy mehkimisi mekteplerde uzun kiyim kiyishini cheklesh qararini testiqlidi
firansiye memuriy mehkimisi mekteplerde abaya (uzun kiyim) kiyishni cheklesh tüzümige xatime bérish toghrisidiki telepni ret qildi.
türkiye awazi radiyosi xewiri: firansiye memuriy mehkimisi maarip ministirliqining mekteplerde abayani cheklesh toghrisidiki qararigha bildürülgen étirazgha qarap chiqip, cheklimining «shexsiy turmushqa hörmet qilish, dua- tilawet we maarip hoquqi shundaqla kemsitishke qarshi turush pirinsipi»gha xilap emeslikige, shunga mekteplerde abayilarni chekleshke bolidighanliqigha höküm qildi.
mehkiminng qararida, qiz oqughuchilarning abaya dep atilidighan uzun kiyimni, oghul oqughuchilarning kamis dep atilidighan kiyimni diniy seweblerdin kiyidighanliqi we bu meqsette ishlitidighanliqi؛ qanunning oqughuchilarning mekteplerde diniy tewelikini namayan qilidighan birer simwolluq nersini ishlitishi yaki shu xil kiyimlerni kiyishini chekleydighanliqi eskertildi.
firansiye maarip ministiri gabriél attalning 8- ayning 27- künidiki <abaya qatarliq uzun kiyim-kécheklerning sékularizmgha xilap ikenliki, shunga u xil kiyimlerning mekteplerde kiyilishige yol qoymaydighanliqi> toghrisidiki bayanati bes – munazire qozghighanidi.
pirézidént émmanuél makronmu oqughuchilarning mekteplerde abaya kiyishini cheklesh mesiliside muresse qilmaydighanliqini bildürgenidi.
ADM jemiyiti abaya cheklesh qararining asasiy erkinlikke qarshi ikenlikini otturigha qoyup, dölet ishliri mehkimisige erz sunghanidi.
attalning éytishiche, 9- ayning 4- küni 298 oqughuchining mektepke abaya kiyip kelgenlikining bayqalghanliqini, bu oqughuchilarning 67 sining cheklesh buyruqigha emel qilmighanliqi üchün, öylirige qayturulghanliqini eskertkenidi.
