türkiye – ereb elliri munasiwetliri barghanséri tereqqiy qilmaqta
ereb elliri ittipaqi bash katipi ehmed ebul gheyt türkiye – ereb döletliri munasiwetlirining barghanséri tereqqiy qiliwatqanliqini éytti.
türkiye awazi radiyosi xewiri: ereb elliri ittipaqining misirning paytexti qahirediki ereb elliri ittipaqi merkizide chaqirilghan 160-nöwetlik tashqi ishlar ministirliri pewquladda yighini axirlashti.
ereb elliri ittipaqi bash katipi ehmed ebul gheyt yighindin kéyin élan qilghan bayanatida, ereb elliri ittipaqining buningdin ilgiri türkiye, iran we pelestin mesililiri heqqide munasiwetlik heyetler bilen ministir derijilikler yighinliri chaqirghanliqini tekitlep mundaq dédi: «iran bilen seudi erebistan we ereb döletliri otturisidiki munasiwetler yaxshilinish basquchigha qedem qoydi. shuning bilen bir waqitta, türkiye bilen ereb döletliri otturisidiki munasiwetlermu barghanséri tereqqiy qilmaqta.»
ebul gheyt türkiye – iran heyetlirining yighin chaqirghanliqini we bu yighinning netijilirining ministirlar yighini bayannameside qobul qilinghanliqini eskertip mundaq dédi: «türkiye – iran heyetliri yighin heqqide bayanat élan qilmasliqni qarar qildi. derweqe, bu közitishke tégishlik muhim özgirishtur.»
