zéléniskiy qirim tatari rustem umerowni mudapie ministirliqigha teyinlidi
ukraina pirézidénti wiladimir zélénskiy qirim tatar türkliridin rustem umerowni dölet mudapie ministirliqigha teyinleshni qarar qilghanliqini élan qildi.
türkiye awazi radiyosi xewiri: zélénskiy özining ijtimaiy taratqudiki adrésida uchur hembehrilep: «men ukraina dölet mudapie ministirini özgertishni qarar qildim. olékséy réznikof 550 kündin artuq dawamlashqan chong kölemlik urushni bashtin kechürdi. men ministirliqning armiye we jemiyetke yéngiche usullarni namayan qilip, yéngi tesirlerni körsitish éhtiyaji barliqigha ishinimen. emdi ministirliqqa rustem umerow bashliq bolushi kérek» dégenlerni qeyt qildi we parlaméntning bu qararni qollishini ümid qilidighanliqini sözlirige ilawe qildi.
olékséy réznikof 2021- yilidin buyan ukraina dölet mudapie ministiri wezipe ötep kelmekte idi.
rustem ömerow kim?
1982- yili dunyagha kelgen rustem umeruw, ukraina tarixida ministirliq wezipisini üstige alghan tunji qirim tatari bolup hésablinidu.
qirim tatarlirining rehbiri we ukraina parlamént ezasi mustapa abduljemil qirimoghluning meslichetchisi bolghan rustem umerow, ilgiri ukraina döletlik mal- mülük fondining reisi we ukraina pirézidéntining alahide wekili bolup wezipe ötigen.
ukraina pirézidéntliq mehkimisi qarmiqidiki ukraina ereb we musulman döletler bilen bolghan alaqige mesul meslihet kéngishining komissari umerow, 2022- yili 2- aydin buyan ukrainaning rusiye bilen söhbet ötküzüsh guruppisining ezalirining biri idi.
