авистиралийәдә бир айалниң меңисидин 8 сантиметир келидиған тирик қурт чиқирилди

түркийә авази радйоси хәвири: «йеңидин зорийиватқан йуқумлуқ кесәлликләр» намлиқ журналниң хәвиригә асасланғанда, 64 йашлиқ айал 2021-йили йанварда қорсақ ағриш вә ич сүрүштин башқа йәнә, қуруқ йөтәл, қизитиш вә кечидә көп тәрләш қатарлиқлар билән  3 һәптә давамлашқан биарамлиқи сәвәбидин дохтурханиға барған.

айалниң биарамлиқиға 2022-йили унтулуш вә чүшкүнлүшүшму қошулғандин кейин канберрадики дохтурханиға әвәтилгән.

«MR» тәкшүришидә айалниң меңисидә  нормалсиз һәрикәт байқилип, оператсийә қилиш қарар қилинған.

оператсийә җәрйанида, дохтурлар айалниң меңисидин узунлуқи 8 сантиметир, кәңлики 1 миллиметир келидиған тирик қуртни чиқарған.

тәҗрибиханиға тәкшүрүшкә әвәтилгән «Ophidascaris robertsi» дәп атилидиған бу қуртниң адәттә боғма йиланда көрүлидиған паразит қурт икәнлики ениқланған.

тәтқиқатта, мәзкур паразит қуртниң инсанларда көрүлгәнликигә дәир илгири һечқандақ доклат йоқлиқи оттуриға қойулған.

бимарниң өйигә йеқин бир көлниң барлиқи вә көл әтрапида паразит қурт ичиидә йашайдиған боғма йиланниңму барлиқи ениқланған.

айалниң көл әтрапидики от-чөпләргә тегиши йаки әтраптин йиғқан өсүмлүкләрни тамақта ишлитиши нәтиҗисидә, йиландин чиққан паразит тухуминиң айалниң бәдинигә киргәнлики тәхмин қилинмақта.

дохтурлар бу вәқәниң кәлгүсидә һайванлардин инсанларға кесәллик тарқилиш хәвипини техиму йорутуп беридиғанлиқини тәкитләшмәктә.