amérika ukrainagha derhal F-16 urush ayropilanlirini ewetishni testiqlidi
amérika daniye we gollandiyening qolidiki F-16 urush ayropilanlirining uchquchilar zörür bolghan meshiqni tamamlighandin kéyin derhal ukrainagha ewetilishini testiqlidi.
türkiye awazi radyosi xewiri: bu qarar bir yildin buyan urush ayropilani telep qiliwatqan ukrainada qizghin qarshi élindi.
ukraina dölet mudapie ministiri oléksiy réznikow amérikaning bu qararining «ésil xewer» bolghanliqini éytti.
rusiye bolsa, bu heqte téxiche héchqandaq bayanat élan qilmidi.
amérika yashqi ishlar ministirliqi bayanatchisi matéw millér daniye we gollandiyege köp iqtidarliq F-16 urush ayropilanlirining yötkilishi üchün qanuniy kapalet bérilgenlikini bildürdi.
bayanatchi bu ishning «tunji uchquchi xadimlar meshiqini tamamlighan haman» ishqa ashidighanliqini éytti.
gollandiye tashqi ishlar ministiri wopké xokstra amérikaning qararini memnunluq bilen qarshi alidighanliqini bildürüp, «bu ukrainaning xelqini we zéminini qoghdishi üchün muhim bir burulush nuqtisi bolup qalidu» dédi.
xokstra ijtimaiy alaqe torida hembehirligen uchurida, bu qararni yawropadiki shérikliri bilenmu muzakire qilidighanliqini éytti.
daniye dölet mudapie ministiri jakob élléman-jénsénmu oxshash bayanat élan qilip, «hökümet köp qétim iane qilishning meshiqtin kéyin bolidighan tebiiy jeryan ikenlikini tilgha aldi. biz hazir buni yéqin ittipaqdashlirimiz bilen söhbetlishiwatimiz» dédi.
