xitay dölet mudapie ministiri rusiye we bélorusiyede ziyarette bolidu
xitay dölet mudapie ministiri li shangfuning rusiye we bélorusiyeni ziyaret qilidighanliqi élan qilindi.
türkiye awazi radyosi xewiri: xitay dölet mudapie ministirliqining bayanatigha asaslanghanda, li 15-awghust rusiyede ötküzülidighan 11-nöwetlik moskwa xelqara bixeterlik yighinida nutuq sözleydiken.
li moskwadiki ziyariti jeryanida 2022-yili 24-féwraldin buyan dawam qiliwatqan rosiye-ukraina urushi sewebidin gherb bilen jiddiychilikler ewjige chiqqan bir peytte rusiye dölet mudapie mesulliri bilen uchrishishilarda bolidiken.
xitay ministirining bélorusiyede prézidénti aléksandér lukashénko we dölet mudapie emeldarliri bilenmu körüshidighanliqi mölcherlenmekte.
li martta wezipige olturghan bolup, aprélda moskwada ziyarette bolghan we pirézidént wiladimir putin bilen körüshken idi.
li yene rusiye déngiz armiyesi qomandani admiral nikolay yéwménof bilen iyul éyidiki xitay ziyariti jeryanida paytext béyjingda körüshken idi.
xitayning amérika bilen bolghan géoistratégiyelik riqabiti we rayon xaraktérliq jiddiychiliki küchiyiwatqan bir peytte bashlanghan rosiye-ukraina urushining xitay hökümitini moskwagha téximu yéqinlashturghanliqi melum.
