daniyede yene quran kerim köydürüldi
daniyening paytexti kopénhagénda bir qanche döletning elchixaniliri aldida quran kerimni köydürüsh weqeliri yüz berdi.
türkiye awazi radiyosi xewiri: islam düshmini we irqchi «daniyelik wetenperwerler» isimlik guruppining bir ezasi türkiye, pakistan, aljiriye, hindonéziye we iranning kopénhagén elchixaniliri aldida quran kerimni köydürdi.
u saqchilarning hemrahliqida islamgha qarshi shoarlarni towlap, qutratquluq qildi.
ammiwi ortaqlishish tor béti Facebook «daniyelik wetenperwerler» guruppisi tarqatqan bezi widéolargha cheklime qoyghanidi.
bu guruppa yéqinqi ikki hepte ichide, 4-awghust (2023) türkiye, iraq, misir, seudi erebistan we iranning kopénhagén elchixanilirining aldida, 7-awghust küni türkiye, pakistan, aljiriye, hindonéziye we iran qatarliq ellerning elchixaniliri aldida quran kerimni köydürgenidi.
kopénhagénning sirtidimu ighwagerchiliklirini dawamlashturghan bu guruppa, bir qisim musulmanlarning naraziliqigha duch kelgenidi.
qutratquluqlar 8-awghust küni türkiye, aljiriye, pakistan, hindonéziye we iranning kopénhagén elchixaniliri aldida dawamlashqanidi.
yéqinqi mezgilde shiwétsiye we daniyede quran kerimge qaritilghan hujumlarning köpiyip kétishi, bu hujumlarning saqchilarning qoghdishi astida, shundaqla munasiwetlik dairilerning ruxsiti bilen élip bérilishi türkiye qatarliq nurghun döletlerning naraziliqini qozghighanidi.
