amérika - teywen soda kélishimi qanunlashti
amérika qoshma ishtatliri pirézidénti jo baydin teywen bilen bolghan soda kélishimini imzalap qanunlashturdi.
türkiye awazi radiyosi xewiri: aqsaray teripidin élan qilinghan bayanatta bildürülüshiche, pirézidént baydin «21-esir soda sahesisde amérika-teywen teshebbusi» söhbitige asasen tunji soda qanun layihesini imzalighan.
amérika qoshma ishtatliri pirézidénti jo baydin bu heqte élan qilghan yazma bayanatida, bu qanun layihesining teywen bilen asasiy qanun jehettin birqatar endishilerge seweb bolghan bir qisim qoshumche soda kélishimlirini kéngishish teleplirinimu öz ichige alidighanliqini qeyt qilghan.
amérika qoshma ishtatliri bilen teywen otturisidiki «21-esir soda sahesisde amérika-teywen teshebbusi» söhbiti dairiside, tamozhna ishlirini bashqurush we sodini qulaylashturush, qattiq nazaret qilip bashqurush tüzümi, chiriklikke qarshi küresh, kichik we ottura tiptiki karxanilar qatarliq mesililerde kélishim hasil qilinghanidi.
bu kélishim arqiliq amérika karxanilirigha teywen we teywenlik xéridarlarni téximu köp mehsulat bilen teminlesh pursiti yaritip bérilidighanliqi, bolupmu kichik wa ottura tiptiki karxanilargha her ikki döletning bazarlirida meblegh sélish we iqtisadiy purset yaritip béridighanliqi qeyt qilinghanidi.
kélishimning ishchilar we karxanilarning yéngiliq yaritish we keng dairilik iqtisadiy tereqqiyatni ilgiri sürüshi üchün, soda shériklik munasiwetlirini chongqurlashturup, amérika bilen teywen otturisidiki sodini yaxshilaydighanliqi otturigha qoyulghanidi.
