pakistanning sabiq bash ministiri imran xan qolgha élindi
pakistan saqchiliri pakistanning sabiq bash ministiri imran xanni lahor shehiridiki öyide qolgha aldi.
türkiye awazi radiyosi xewiri: pakistan taratquliri, imran xanning bash ministir bolghan mezgilde alghan sowghatlirining tepsilatlirini ashkarilimighanliqi üchün turghuzulghan déloda gunahkar dep qarilip, qolgha élinghanliqini xewer qildi.
xewerlerde körsitilishiche, islamabad sot mehkimisi üstidin tutush buyruqi chiqarghan imran xanni üch yilliq qamaq jazasigha höküm qilghan.
pakistan edalet herikiti partiyesi bash katipi ömer eyyup xan, kona ismi twittér bolghan ijtimaiy taratqu supisi X te uchur hembehrilep, sabiq bash ministir imran xanning qolgha élinghanliqini uqturghan.
pakistan edliye we qanun ishliri ministiri azem nazir tarar ilgiri bayanat bérip, imran xanning 5 yil boyiche siyaset bilen shughullinishtin cheklengenlikini uqturghanidi.
pakistan qanunigha asasen, bash ministirlar, ministirlar, byurokratlar we hökümetning yuqiri derijilik emeldarliri chet el dölet erbabliridin tapshuruwalghan sowghatlarni «toshaxana» dep atilidighan bölümge doklat qilishi shert bolup, pakistan adalet herikiti partiyesi hökümiti mezgilide imran xangha sowgha qilinghan sowghatlarning doklat qilinmighanliqi ilgiri sürülmekte.
