daniyediki quran kerimge hujum qilish qutratquluqliri bashqa sheherlergimu kéngeydi
chékidin ashqan ong qanatlarning daniyening paytexti kopénhagénda dawamlishiwatqan quran kerimge hujum qilish qutratquluqi döletning bashqa sheherlirigimu kéngeydi.
türkiye awazi radiyosi xewiri: islamgha qarshi qilmishliri bilen tonulghan ashqun milletchi «daniye wetenperwerliri» namliq guruppisining ezaliri kopénhagéndiki türkiye, iraq, misir, seudi erebistan we iran elchixanilirining aldida quran kerimni köydürdi we islamgha qarshi pilakatlarni kötürüp, shoarlarni towlidi.
peyshenbe küni özining ijtimaiy taratqudiki adrésida uchur hembehrilep, quran kerimge qaratqan hujumlirini daniye miqyasida téximu kücheytken halda dawamlashturidighanliqini élan qilghan mezkur guruppa, qutratquluqlirini daniyening odénsé we wéjlé sheherlirige kéngeytti.
guruppa ezaliri quran kerim we jaynamazgha dessep turup tartqan körünüshlirini ijtimaiy taratqudiki adrésida biwasite tarqatti. ularning yene türkiye bayriqigha dessigenlikimu körüldi. mezkur widéo uzun ötmeyla feysbuk teripidin chiqirip tashlandi.
qutratquluq saqchilarning qoghdishi astida sadir qilindi.
feysbuk bu guruppining bir qisim sinlirini chekligenidi.
yéqindin buyan shiwétsiye we daniyede quran kerimge hujum qilish qilmishliri künséri küchiyiwatqan bolup, dairilerning bu xil qutratquluqlargha yol qoyushi naraziliqa peyda qilmaqta.
daniyediki islam düshmini ashqun milletchi bir guruppa 28-iyul kopénhagéndiki bir jamening aldida, 1 - awghust türkiye, iraq, misir we seudi erebistanning kopénhagéndiki elchixanilirining aldida we 3 – awghust türkiye, iraq, misir, seudi erebistan we iran elchixaniliri aldida quran kerimni köydürgenidi.
