biraziliye saqchiliri zeherlik chékimlik etkeslirige keng kölemlik zebe bérish herikiti élip bardi
biraziliye saqchilirining döletning riodé zhanéyro shehiri, saw pawlo we baxia ölkiliride zeherlik chékimlik shaykilirigha qarshi élip barghan zerbe bérish herikitide 43 adem qaza qildi.
türkiye awazi radiyosi xewiri: biraziliye saqchiliri riodé zhanéyro shehiride élip bérilghan zeherlik chékimlik shaykilirigha zerbe bérish herikiti jeryanida toqunush yüz bérip, 10 kishining qaza qilghanliqini, ularning arisida zeherlik chékimlik etkeschilik guruhining bir rehbiriningmu barliqini uqturdi.
saw pawlo ölkisidiki uda besh kün dawamlashqan qalqan zerbe bérish herikiti jeryanida saqchilarni öz ichige alghan 14 kishining qaza qilghanliqi, döletning sherqiy shimalidiki baxia ölkiside bolsa, 19 gumandarning bir terep qilinghanliqi bildürüldi.
saw pawlo déngiz qirghiqidiki guaruja bazirida bir alahide qisim saqchisi öltürülgendin kéyin bashlanghan «qalqan zerbe bérish herikiti» jeryanida saqchilarning 58 ademni nazaret astigha élip, 385 kilogiram zeherlik chékimlikni qolgha chüshürgenliki qeyt qilindi.
biraziliye edliye ministiri flawiyo dino guarujadiki zerbe bérish herikitini tenqid qilip, saqchilarning inkasining sadir qilinghan jinayetke mas bolmighanliqini éytqanidi.
