shi jinping armiyeni zamaniwiylashturushni tekitlidi
xitay dölet reisi shi jinping armiyeni «zamaniwilishish»qa chaqirdi.
türkiye awazi radiyosi xewiri: shinxua agéntliqi, xitay dölet reisi shi jinpingning xitay xelq azadliq armiyesi qurulghanliqining 96- xatire yili paaliyetliri bashlinishtin ilgiri gherbiy fironti qomandanliqi qarmiqidiki hawa armiyesini közdin kechürgenlikini xewer qildi.
xewerde körsitilishiche, shi jinping ziyariti jeryanida hawa mudapie paaliyetlirini qerellik ijra qilishning muhimliqini tilgha élip, armiyening teyyar halette turushi we hawa boshluqi bixeterlikini kücheytishning zörüriyitini otturigha qoyghan.
shi jinping jengchi qisimlargha seplinidighan yéngi üsküniler we eskerlerning süritini «tézlitish»ni telep qilip, zamaniwi üskünilerni hazirqi küchler bilen birleshtürüsh lazimliqini tekitligen.
u, xitay hawa armiyesi qisimlirigha yollighan mektupida, eskerlerni «urush qilish we ghelibni qolgha keltürüsh üchün, maharetlirini pichaqqa oxshash ötkürleshtürüsh»ke chaqirghan.
xitay dölet mudapie ministirliqi azadliq armiye qurulghanliqining 96 yilliqi munasiwiti bilen kütüwélish yighini ötküzdi.
xitay dölet mudapie ministiri li shangfu kütüwélish yighinida, «junggo kompartiyesini kücheytish, herbiy meshiqlerni zichlashturush we jeng teyyarliqini ashurush» toghrisida toxtaldi.
u 2027- yili xitay xelq azadliq armiyesining yüz yilliq nishanigha yétishi üchün tirishishning muhimliqigha isharet qilip, armiyening «birinchi derijilik süpetke téz yétishi» kéreklikini otturigha qoydi.
xitay armiyesi qurulghanliqining xatire yilini tebriklesh paaliyetliri her yili 1- awghust ötküzülidu.
