daniyede quran kerimni köydürüsh qilmishi qayta sadir qilindi
daniyede ashqun ong qanat guruppa ezaliri paytext kopénhagéndiki bir jamening aldida quran kerimni köydürdi.
2017523
türkiye awazi radiyosi xewiri: daniyediki islamgha qarshi ashqun milletchi «daniye wetenperwerliri» namliq guruppining ezaliri tünügün jüme namizining tügishi bilen teng dortéwéj rayonidiki islam jemiyiti jamesining aldida quran kerimni köydürdi.
islamgha qarshi lozunkilarni kötürüwalghan, yangratqu arqiliq islamgha haqaret qilghan guruppa, qutratquliqini saqchilarning küchlük bixeterlik tedbirliri astida emeliyleshtürdi.
bu jeryanda, jamening yangratquliri sirtqa échilip, quran kerim tilawet qilindi.
yéqindin buyan shiwitsiye bilen daniyede quran kerimge hujum qilish qilmishliri éghirlashmaqta, alaqidar döletlerning bu xil ighwagerchiliklerge yol qoyushi naraziliq peyda qilmaqta.
