israiliyede 830 neper armiye xadimi hökümetke naraziliq bildürüp istipa berdi
israiliyede 830 neper armiye xadimi memliket miqyasidiki keng kölemlik namayish we küchlük munazire qozghighan edliye islahatigha naraziliq bildürüp istipa bérishni qarar qildi.
türkiye awazi radiyosi xewiri: israiliye ammiwi tarqitish teshkilati (KAN) ning xewirige asaslanghanda, israiliye hawa armiyesidin 260 tin artuq uchquchiini qoshqanda jemiy 830 gha yéqin esker wezipisini tashlighanliqini élan qilghan.
israiliye armiyesi radiosida ismini ashkarilashni xalimighan bir armiye bayanatchisi eskerlerning xizmet qilishni ret qilishi armiyening ünümige tehdit bolidighanliqini tekitlidi.
israiliye armiye bash ishtab bashliqi hérzi haléwi hökümetning talash-tartishliq edliye belgilimilirige narazliq bildürüsh üchün herbiy xizmitini tashlighan eskerlerge xitaben hembehirligen ochuq xétide, «eger küchlük we bir pütün armiye bolmisa, eger eng yaxshi tallash armiyege xizmet qilish bolmisa, biz bu rayonda bir dölet süpitide mewjut bolup turalmaymiz» dégen idi.
