ereb birleshme xelipiliki qamaqtiki 21 iranliqni qoyup berdi
ereb birleshme xelipilikide qamaqta yétiwatqan 21 iranliq kechürüm qilinip, qoyup bérildi.
türkiye awazi radiyosi xewiri: iran tashqi ishlar ministirliqi bayanat élan qilip, iran tashqi ishlar ministiri hüseyin emir abdullahiyanning ötken heptidiki ereb birleshme xelipiliki paytexti ebuzebidiki uchrishishliri jeryanida, ereb birleshme xelipiliki reisi muhemmed bin zayidning testiqi bilen bu dölette qamaqta yétiwatqan 21 iranliq mehbusning qoyup bérilgenlikini uqturdi.
al nehyan teripidin kechürüm qilinip qoyup bérilgen iran puqraliri qanuniy resmiyetler tamamlanghandin kéyin döletlirige qaytidu.
bayanatta, iranliq mezkur mehbuslarning qandaq jinayetler bilen eyiblengenliki we qachandin béri ereb birleshme xelipiliki türmiside yétiwatqanliqi toghrisida héchqandaq uchur bérilmidi.
iran tashqi ishlar ministiri abdullahiyan 22- iyun ereb birleshme xelipilikide ziyarette bolup, reis al nehyan bilen körüshkenidi.
13 – iyuldimu ereb birleshme xelipiliki türmiliridin qoyup bérilgen 15 iranliq dölitige qaytqanidi.
