firansiyede yette saqchi nazaret astigha élindi

türkiye awazi radiyosi xewiri: firansiyede 27 – iyun esliy aljiriyelik firansiye puqrasi naél m. isimlik bir yash saqchilar teripidin  étiwétilgendin kéyin bashlinip ketken weqeler jeryanida bir yashqa qattiq qol muamile qilghan yette saqchi nazaret astigha élindi.

firansiye taratqulirining marsélya teptish mehkimisini menbe qilghan xewirige qarighanda, naélning öltürülüshidin kéyin, 2- iyul marsilyada ötküzülgen namayishta «hökümet xadimlirining zorawanliq qilghanliqi» ilgiri sürülüp, yette saqchi nazaret astigha élinghan bolup, kéyinche ularning biri qoyup bérilgen.

zorawanliqqa uchrighan xédi isimlik ​​22 yashliq yash sekkiz künlük xizmetke baralmasliq doklati alghan we 5- iyul bu weqe üstide tekshürüsh bashlanghanidi.

xidi tekshürüsh jeryanidiki bayanida, weqe yüz bergen küni bir kawchuk oqning béshigha tegkenlikini, saqchilarning uni urghanliqini éytti.

weqede hoshidin kétip doxturxanida balnistqa élinghan xédi, bir nechche saettin kéyin hoshigha kelgenidi.

firansiyediki saqchilarning oqida hayatidin ayrilghan naélning ölümige naraziliq bildürgüchiler, döletning herqaysi sheherliride kochilargha chiqip saqchilar bilen toqunushqanidi.

parizh, marsélya we lion qatarliq nurghun sheherlerde ötküzülgen namayishlar jeryanida bulang – talan qilish weqeliri yüz bergenidi.