xelqara jemiyet rusiyening ashliq kélishimidin chékinishini eyiblidi

türkiye awazi radiyosi xewiri: gérmaniye bash ministiri olaf sholz rusiyening qara déngiz arqiliq ashliq toshush kélishimini yéngilimasliqining bir <shum xewer> ikenlikini tilgha élip: «bu tajawuz arqiliq bir qoshnisini bésiwalghan bir döletning dunyaning bashqa jaylirighimu bergen bir nachar signalidur» dédi.

engliye tashqi ishlar weziri jéyms kléwérl rusiye pirézidénti wiladimir putinning yémeklikni «qoral» qilip ishletkenlikini ilgiri sürdi we rusiyening qara déngiz ashliq karidori kélishimining mudditini uzartmay, uningdin chékinip chiqishini qattiq eyiblidi.

kléwérl rusiyeni ötken yili birleshken döletler teshkilati (b d t) teripidin otturigha qoyulghan kélishimge qayta qaytip, tosalghusiz ashliq éksportigha yol qoyushqa chaqirdi.

firansiye tashqi ishlar ministirliqimu rusiyening «qara déngiz ashliq karidori kélishimi» ni bikar qilish arqiliq «ukraina portlirini qanunsiz qamal» qilghanliqini bildürdi؛ rusiyening qarari eyiblengen bayanatta, moskwani dunya ashliq bixeterlikini «suyiéstimal qilish»qa xatime bérip, élan qilghan qararidin chékinishke chaqirdi.

amérika dölet bixeterlik kéngishining istratégiyelik alaqe maslashturghuchisi jon kirbimu rusiyening qara déngiz ashliq karidori kélishimidin chékinish qararigha «mesuliyetsizlik we xeterlik» dep baha berdi hemde bu qararning yémeklik yétishmeslik mesilisini téximu éghirlashturup, dunyadiki milyonlighan mudapiesiz kishilerge ziyan yetküzidighanliqini otturigha qoydi.

«rusiyening ukraina portlirini küchlük qamal qilishni eslige keltürüshi we ashliqning dunya bazirigha kirishining aldini élish qarari» ning dunyaning her qaysi jayliridiki kishilerge tesir körsitidighanliqigha isharet qilghan kirbi: «rusiye bu herbiy tajawuzchiliq qilmishining aqiwitige toluq we yalghuz halette jawabkar bolidu» dégenlerni qeyt qildi.

u özlirining rusiye pirézidénti wiladimir putinning qararini özgertishini telep qilghanliqlirini sözlirige ilawe qildi.