daéshning atalmish süriye mesuli usama elmuhajir öltürüldi
amérika daéshning atalmish süriye mesuli usama elmuhajirning öltürülgenlikini élan qildi.
türkiye awazi radyosi xewiri: amérika merkiziy qomandanliq ishtabi (CENTCOM) ning yazma bayanatida, daéshning atalmish sherqiy süriye rehberliridin biri bolghan usama elmuhajirning 7-iyul (2023) jüme küni süriyede élip bérilghan hujumda öltürülgenliki bildürüldi.
bayanatta «MQ-9» uchquchisiz ayropilani bilen élip bérilghan hujumda, héchqandaq puqraning znyan-zexmetke uchrimighanliqi eskertilip, «rusiye urush ayropilanliri jüme küni hujumni élip barghan uchquchisiz ayropilangha ikki saet etrapida parakendichilik saldi» déyildi.
bayanatta: «daésh peqet rayon üchünla emes, belki rayon sirtidiki döletler üchünmu tehdit hésablinidu. süriye we iraqta daéshni meghlub qilghangha qeder, heriketlirimiz shérik döletler bilen birlikte dawamlishidu» déyildi.
