zélénskiy: «biz ukrainani qirimsiz tesewwur qilalmaymiz»
ukraina pirézidénti wolodimir zélénskiy axirqi nishanining rusiye özige qanunsiz qoshuwalghan qirimni azad qilish ikenlikini bildürüp: «biz ukrainani qirimsiz tesewwur qilalmaymiz» dédi.
türkiye awazi radiyosi xewiri: ukraina pirézidénti zélénskiy s n n (CNN) téléwéziyesige bergen bayanatida, ukrainaning jenubi we sherqidiki zéminlirini qayturup élishqa tirishiwatqanliqini we eng yéngi nishanining 2014-yili rusiye teripidin qoshuwélinghan «qirimni azad qilish» ikenlikini bildürdi.
zélénskiy kiyéwning diqqitini ukrainaning jenubi we sherqidiki zéminlirini qayturup élishqa merkezleshkenlikini tekitlep: «biz qirimsiz ukrainani tesewwur qilalmaymiz. qirim rusiye ishghaliyiti astidila bolidiken, buning <urush téxi axirlashmidi> dégen birla menisi bolidu» dédi.
zélénskiy qirim bolmay turupmu tinchliqni emelge ashurghili bolidighan her qandaq bir sénariyening mumkin yaki emeslikige dair soalgha jawab bérip, «u chaghda ghelibe bolmaydu» dédi.
ukraina pirézidénti yene, rusiye pirézidénti wladimir putinning aldinqi ayda wagnér isyanigha qayturghan inkasining «ajiz» bolghanliqini we öz xelqining kontrolluqini yoqitip qoyush aldida turghanliqinimu ilgiri sürdi.
rusiye 2014-yili ukraina bilen kélishelmigenliki üchün qirimni özige qoshuwalghan bolup, qirimning rusiye zéminigha kirgüzülüshi üchün wezipe ijra qilghan wagnér, bu qedemliri arqiliq namini pütün dunyagha tonutqan idi.
