yawropa 11-qétimliq émbargo pilanini testiqlidi

türkiye awazi radiyosi xewiri: yawropa ittipaqining hazir yürgüzülüwatqan émbargolirini kücheytish we bu émbargolargha xilapliq qilishning aldini élish üchün teyyarlanghan émbargo pilani boyiche, cheklesh tedbirliridiki bezi qanuniy boshluqlar tügitilidu.

«émbargoning etrapidin aylinip ötüshtin» saqlinish üchün, üchinchi döletler bilen bolghan hemkarliq kücheytilidu.

yawropa kéngishi rusiyege üchinchi döletke ewetilishi cheklengen mehsulat we téxnikilarni sétish, teminlesh, yötkesh yaki éksport qilishni chekleydu.

rusiyening herbiy we téxnika tereqqiyatigha, mudapiesige yaki bixeterlik sahesige paydiliq téximu köp mehsulat we téxnikilarning yötkilishi cheklinidu. awiyatsiye we alem qatnishi mehsulatliri, téxnikisi shundaqla yawropa ittipaqidin üchinchi döletke éksport qilinidighan réyaktip yéqilghu we yéqilghu maddilirimu bu dairige kiridu.

rusiyege import-éksport kontrolluqi we cheklimiliri kéngeytilidu.

rusiyening herbiy we sanaet rayonlirini biwasite qollaydighan 87 organ, yawropa ittipaqining jaza tizimlikige kirgüzülidu. bu tizimlikte, xitay, özbékistan, ereb birleshme xelipiliki, süriye we erméniye qatarliq döletlerdiki organlar bilen rusiyeni uchqular bilen teminligen iranning töt orgini bar.

rusiyede tizimgha élinghan aptomobil we yük aptomobilliri bilen tashyol arqiliq yawropa ittipaqigha mal toshushni cheklesh dairisi kéngeytilidu.

xam néfit we néfit mehsulatlirini toshuydighan paraxotlarning qaymuqturush qilmishlirining köpiyishige qarshi tedbirlermu kücheytilidu. bu ramkida, paraxottin paraxotqa néfit yötkigenlerning yawropa ittipaqi portlirigha kirishi cheklinidu.

ilgiriki émbargolar ramkisida, gérmaniye bilen polshaning rusiyedin turuba yolidin xam néfit teminatigha bérilgen waqitliq étibar mudditi toshidu. bu döletlermu buningdin kéyin, rusiye néfitini turuba yoli arqiliq sétiwalalmaydu.

émbargo ramkisida,  herbiy emeldarlar, urushqa munasiwetlik qarar chiqarghuchilar, ukrainaliq balilarni rusiyege sürgün qilishqa qatnashqan kishiler, ukraina puqralirigha qarshi höküm chiqarghan sotchilar, soda-sanaetchiler we rusiye istixbarat idarilirini halqiliq téxnika, yumtallar bilen teminligen shirketler, ishghal qilinghan rayonlarda paaliyet élip bériwatqan bankalar, rusiye qoralliq qisimliri bilen hemkarlashqan organlarni öz ichige alghan 100 din artuq kishi hemde organlarning mal-mülki tonglitilidu.