yawropa, amérika we nato kilimat özgirishige qarshi yéngi qarar chiqardi
yawropa ittipaqi, amérika we nato, kilimat özgirishining yer shari xewpsizlikige körsitidighan tesirlirige qarshi ortaq küresh qilish üchün körsitilidighan tirishchanliqlarning süritini tézleshtürüsh toghrisida qarar chiqardi.
türkiye awazi radiyosi xewiri: yawropa ittipaqi tashqi munasiwetler we bixeterlik siyasiti aliy wekili josép borrél amérikaning kilimat alahide wekili jon kérri, nato bash katipi stolténbérg we yawropa ittipaqi komitétining muawin bashliqi frans timmérmans kilimat özgirishining tinchliqqa, xewpsizlikke körsitidighan tesirlirini muzakire qilish üchün bélgiye paytexti biryussélda uchriship, ortaq yazma bayanat élan qildi.
bayanatta bildürülishiche, terepler kilimat özgirishining dunya üchün hayat-mamatliq tehdit bolup, xewpsizlikke we mudapiege selbiy tesir körsitidiken. bu meqsette, nato bilen yawropa ittipaqi kilimat özgirishining xewpsizlikke körsitidighan tesirlirini muzakire qilish üchün özara hemkarliqlarni kücheytishni dawamlashturush, tesirlerge we xewpsizlikke merkezleshken diyalog üchün éhtimalliqlarni tetqiq qilishni qarar qilghan.
terepler, kéler ayda (iyul) litwaniyening paytextide ötküzülidighan nato bashliqlar yighinida kilimat özgirishi we muhit bulghinishining bixeterlik yönilishliri, énérgiyening ünümi, herbiy paaliyetler hemde eslihelerdin qoyup bérilgen parnik gazi nisbetlirini ölchesh, azaytish qatarliq meshghulat uchurliridiki hemkarliq pursitini éniqlashqa qoshulghan.
yawropa ittipaqi, amérika we nato mezkur mesililer toghrisida dawamliq yuqiri derijilik uchrishishni dawamlashturushni qarar qildi.
