ugandadiki bir mektep hujumgha uchrap, 38 nepiri oqughuchi bolup 41 kishi qaza qildi
ugandaning gherbiy chégrasidiki bir mektepke qilinghan térorluq hujumida 38 nepiri oqughuchi bolup, jemiy 41 adem qaza qildi.
türkiye awazi radiyosi xewiri: «The Daily Monitor» géziti, démokratik ittipaqdash küchler namliq qozghilangchi guruppining ogandaning kongo démokratik jumhuriyiti bilen chégrilinidighan mpondwé rayonidiki bir mektepke hujum qilip, ot qoyuwetkenlikini, hujum netijiside mektepning yataq binasi bilen yémeklik iskilatining köyüp külge aylanghanliqini xewer qildi.
mpondwé – lxubirixa rayoni emeldari séléwést mapozé, mekteptin 41 jesetning chiqirilghanliqini, bularning 38 ning oqughuchilarning jesetliri ikenlikini bildürdi.
oqughuchilarning köyüp kétish, étiwétilish we pichaqlinish netijiside hayatidin ayrilghanliqini bildürgen mapozé, étip öltürülgen bashqa üch kishining birining amanliq saqlighuchi, ikkisining shu yerlik ahale ikenlikini jezmleshtürdi.
uganda armiyesi nurghun kishini tutqun qilip qachqan hujumchilarning péyigha chüshti.
